۲۱ دی ۱۳۹۵

اوزوم سنه آی دییرم …

در این پست قصد دارم متن یکی دیگر از اشعار ترکی‌ام را، که ۱۰ سال پیش سروده بودم، با شما به اشتراک بگذارم. برای دوستانی که مایل به شنیدن متن شعر هستند، کلیپ صوتی نیز در ادامه آمده است. ترجمه فارسی این شعر نیز، در ادامه برای دوستانی که با زبان ترکی آشنا نیستند، قرار داده شده است.

مین بیر دانا دردیم اولا، سن گلن‌ده درمان اولور
سن گیدن‌ده خوش اولسام دا، اورک آچیلمیر، قان اولور
منیم سنه باخیشلاریم، هر تک تکی بهانه‌دی
هیچ اولماسا بو جانسیزا، گوز آلتی باخسان جان اولور
عقل منه دییر دایان، عشق دییر گل دولاناق
عقلیم سنی گر تانیا، او دا سنه حیران اولور
گول اوزووی گورمیه‌لی، هیچ بولمورم کی نیلییَم
اورک‌ده کی سوزلریمی، یازا بولسم دیوان اولور
صبر ایلرم سن گلین‌جه، اگر اولا عمر بویی
آغلامارام اگر دیسم، دوز اولماز کی، یالان اولور
طبیب منه دوا دیسه، دردیمی درمان ایلمز
اما جانیم سن گولن‌ده، هر نه کی وار، جبران اولور
وورولموشام شیرین دیلین، او باخمالی گوزلریوه
بیر گون منی گوزدن آتسان، او گون ایویم ویران اولور
فرق ایلمز هایان‌داسان، سنین یرین قلبیم‌ده دی
سنین ایین هاردان گلسه، منیم قبله‌م او یان اولور
منیم جانیم فدا سنه، گل منی‌ده آپار گیلن
صبا یلین سن اسدیرسن، آغیر جانیم سامان اولور
یاریم منی بوراخمییوپ، گلر منیم سراغیما
اما بیر گون اون‌سوز اولسام، ایچیم دونور، طوفان اولور
هر کیم سنه اولدوز دیسه، اوزوم سنه آی دییرم
کلامی‌نین قوجالمیشی، سنی گورسه، جوان اولور
سیدمصطفی کلامی هریس
۱۳۸۵، سون باهار